بقلم نرمين عادل 2
كلامه نزل على قلبي زي المية الباردة في عز الصيف.. مسحت دموعي بإيدي، واستجمعت نَفَسي، ورفعت رأسي لفوق.. اللواء حمزة عنده حق.. فاطمة هي أمي اللي شيلت اسمها، وعبد الحميد هو أبويا اللي مات عشان يحميني.. ومفيش سر في الدنيا هيغير الحقيقة دي.
أخذ اللواء حمزة الشريط الكاسيت والعقد الأصلي، وأمر رجالة المباحث بنقل الصندوق والتحفظ على المكان بالكامل.. وخرجنا من المطعم.
في الشارع القديم، كان منظر توفيق الجبلي وطارق والحاجة صفية وإبراهيم وهم متكلبشين ومحطوطين في البوكس بتاع الشرطة منظر يداوي أي جرح..
طارق شافني طالعة مع اللواء حمزة، حاول يصرخ ويهز الكلبشات في إيده:
– «ندى! ارجعي يا ندى! أنا اتخدعت والله.. أمي هي اللي أغرتني بالفلوس! سامحيني واقفي جنبي في النيابة!»
بصيت له بعيون ميتة، عيون مفيش فيها حتى كره.. القرف والازدراء هما كل اللي حسيت بيه ناحيته.. قُلت له بنبرة قاطعة هزت الشارع:
– «أنت ما تستهلش حتى إني أكرهك يا طارق.. أنت مجرد نكرة بعت شرفك وكرامتك عشان قرشين.. والحساب اللي هتدفعه في السجن مش هيكون بس على التزوير والسرقة.. هيكون على دم عبد الحميد وسنين شقاء فاطمة!»
الحاجة صفية كانت بتصوت وتلطم على وشها وتدعي عليا وعلى الدنيا، وتوفيق الجبلي وشه كان اسود زي الفحم وهو شايف مستقبله وإمبراطوريته المزيفة بتنفي في ثواني.
مرت الأيام والأسابيع بعد الليلة دي زي السحاب..
أمام النيابة العامة، اتفتحت التحقيقات في قضية إعادة فتح مقتل عبد الحميد والتزوير والاستيلاء على أراضي الأوقاف.. الشريط الكاسيت اللي أمي سابته كان فيه تسجيلات صريحة لتوفيق الجبلي وهو بيعترف بتهديد عبد الحميد وبترتيب الحادثة المفتعلة اللي أودت بحياته.. وبمساعدة طارق وزوجته وأمه في محاولة سرقة العقود بعد وفاة أمي فاطمة.
صدر بعد شهور من المحاكمات..