سليم2
سليم: بصي يا عشق، أنا الصراحة حاسس إني بقيت بعيد عنك من ساعة ما رجعتي تشوفي. متفهمينيش غلط، أنا فرحان جدًا إنك رجعتي تشوفي، بس مضايق علشان مبقتش جزء من تفاصيلك وكل حاجة بتعمليها.
عشق بدموع: طب أنا عملت إيه؟
مسح سليم دموعها.
سليم: أنا آسف، أرجوكي متعيطيش. أنا اللي غبي، متزعليش مني. إنتِ معملتيش حاجة، بس أنا أهبل.
ضحكت عشق بقوة.
عشق: خلاص ماشي.
سليم: إيه ده؟ إنتِ موافقة إني أهبل؟
عشق: مش إنت اللي بتقول كده؟
سليم: امشي يا عشق، امشي من قدامي بدل ما أتهور عليكي.
عشق: أنا مشيت أهو.
نفذت عشق شروطه وهي تضحك عليه، ولم يقاطعها من أفكارها إلا صوت صديقتها ريم وهي تنادي عليها. وتذكرت كلام سليم أنها لا يجب أن تصاحب أحد، ولكن ريم كانت صديقتها الوحيدة.
عشق: في إيه يا ريم؟ خرمتي ودني.
ريم: ما أنا عمالة أنادي عليكي بقالي ساعة وإنتِ سرحانة. إيه اللي واخد عقلك يا جميل؟
عشق: لأ، مفيش حاجة.
ريم: طب إيه العربيات اللي جاية معاهم دول؟ وكمان إيه كمية الحرس دي؟ إنتِ هتبقي رئيسة الجمهورية ولا إيه؟
عشق: ظريفة إنتِ أوي… تعالي نقعد وهحكيلك.
عشق: بس يا ستي، وهي دي كل الحكاية.
ريم: يعني إنتِ دلوقتي متجوزة سليم التهامي؟
عشق: أيوه.
ريم: يا بختك والله.
عشق: ليه يعني؟
ريم: إنتِ بتهزري؟ يعني إنتِ مش عارفة مين سليم التهامي ده؟ أصغر ملياردير على مستوى العالم، وعنده فلوس لو فضل يصرف فيها هو وأحفاد أحفاده مش هتخلص، وكمان شاب وسيم جدًا، وأي بنت تتمناه.
دخلت ريم وعشق إلى المحاضرة، ولكن الدكتور لم يبعد عينه عن عشق، فهو معروف بأنه يلاحق أي فتاة تعجبه، وجذبه جمال عشق وظل ينظر إليها طوال المحاضرة. وعندما انتهت حاول أن يتحدث إليها.
الدكتور: آنسة… يا آنسة.
ريم: حضرتك بتكلمني أنا؟
الدكتور: لأ، أنا قصدي على الآنسة اللي جنبك.
عشق: تقصدني أنا؟
