حلمي: وأنا واثق فيك يا حبيبي.
سليم: أنا همشي دلوقتي، ونتقابل في المحكمة المرة الجاية. كل حاجة هتبقى كويسة إن شاء الله.
حلمي: طول ما انت موجود معايا، أكيد كل حاجة هتبقى كويسة.
—
سليم: أي حاجة، كل اللي يجيبه ربنا حلو. أهم حاجة إنه منك انتي. انتي عايزاه يبقى إيه؟
عشق: أنا نفسي في توأم وخلاص، والحمد لله على كل شيء.
سليم: حتى لو توأم هنكون مبسوطين جدًا، وأنا نفسي يكون عندنا عيلة كبيرة.
عشق: قصدك عاوز تتعبني؟
سليم: لأ والله، ده انتي الخير والبركة.
عشق: تصبح على خير يا سليم.
سليم: وانتي من أهل الخير يا أم العيال.
عشق: ربنا يستر منك يا أبو العيال.
سليم بضحك: نامي يا روحي.
وفي الصباح الباكر، استيقظ سليم قبل عشق لكي يحضر الإفطار، لكنه فوجئ بوجود شخص يأكل في المطبخ.
سليم: انت بتعمل إيه هنا الصبح؟
زياد وهو يأكل: أبو سولوم حبيبي، تعالى اقعد كل لقمة معايا.
سليم: انت بتعمل إيه؟
زياد: بفطر. تعالى اقعد، متتكسفش، انت مش غريب.
**تمت.**
